Neyropsixiatr Daniel Sieqal və valideynlik mütəxəssisi Tina Peyn Brayson bu effektiv kitabda övladlarınızla düzgün ünsiyyət qurmağa, onların həm sağ, həm də sol beynini istifadə etməsinə kömək etməyə, həmçinin zehni inkişafını dəstəkləməyə imkan verən məlumat və tövsiyələr verir. Müəlliflər bunu bacarmaq üçün sizə daim rahatlıqla tətbiq edə biləcəyiniz və bir müddət sonra avtomatikləşəcək 12 strategiya tövsiyə edirlər. Bu strategiyalar vasitəsilə fiziki və zehni cəhətdən daha sağlam uşaqlar böyüdəcəksiniz. Hər yaşdan olan insanların oxuyub dəyərli məlumatlar öyrənə biləcəyi bu kitab, valideynlər və valideyn olmağa hazırlaşanlar üçün xüsusilə maraqlıdır.